მედია გარემო 2022
საფრთხეები და მხარდამჭერი მექანიზმები საქართველოში
26 იანვარს, არასამთავრობო ორგანიზაცია „მედიახმამ" ფრიდრიხ ნაუმანის ფონდის მხარდაჭერით, წარადგინა კვლევა “მედიაგარემო 2022: საფრთხეები და მხარდამჭერი მექანიზმები საქართველოში”. შეხვედრა შესავალი სიყვით გახსნა ფრიდრიხ ნაუმანის ფონდი - თავისუფლებისთვის, სამხრეთ კავკასიის ოფისის ხელმძღვანელმა კატრინ ბანახმა, რის შემდეგაც კვლევის შედეგები და რეკომენდაციები აუდიტორიას გააცნეს კვლევის ავტორებმა მარიამ გერსმაიამ და მაია ტორაძემ, რომელსაც სხვადსხვა მედიის, არასამთავრობო სექტორისა და აკადემიის წარმომადგენლები ესწრებოდნენ.
ახალი კვლევა გამოკვეთს თუ რა გავლენას ახდენს პოლიტიკური პოლარიზება და კრიზისები მედიის სიცოცხლისუნარიანობაზე; რა ზეგავლენას ახდენს გლობალური და ლოკალური კრიზისები (მათ შორის, რუსეთის ომი უკრაინაში) მედიაგარემოზე; კვლევაში ყურადღება გამახვილებულია თუ რამდენად დაცულია ჟურნალისტების უსაფრთხოება საქართველოში, როგორ მიმდინარეობს ჟურნალისტების წინააღმდეგ ჩადენილი დანაშაულების გამოძიება და რა კეთდება დაუსჯელობის დასასრულებლად.
პრეზენტაციის შემდეგ გაიმართა დისკუსია რომელშიც მონაწილეობა მიიღეს საქართველოში წამყვანი მედია საშუალებების ცნობილმა სახეებმა.
