ძალადობის დღიური : ძალადობის დღიური - ადამიანის უფლებების ისტორიები
2024 წლის 28 ნოემბერს ირაკლი კობახიძემ გამოაცხადა „ქართული ოცნების“ გადაწყვეტილება, რომ 2028 წლის ბოლომდე ევროკავშირთან მოლაპარაკებების გახსნის საკითხი ქვეყნის დღის წესრიგში არ შეიტანოს. ეს გადაწყვეტილება „ქართული ოცნების“ ანტიევროპული პოლიტიკის კულმინაციას წარმოადგენდა. განცხადება მოჰყვა 2024 წლის 26 ოქტომბრის საპარლამენტო არჩევნებს, რომლის შედეგებიც საქართველოს პრეზიდენტმა, საარჩევნო ბარიერის გადალახულმა ოპოზიციურმა პარტიებმა და მოსახლეობის მნიშვნელოვანმა ნაწილმა არ აღიარა. OSCE/ODIHR-მა არჩევნები ძალიან კრიტიკულად შეაფასა, სადაც ხაზი გაუსვეს მრავალ საკითხს, მათ შორის არჩევანის საიდუმლოების პრინციპის ფართომასშტაბიანი დარღვევების ფაქტებს. სიტუაცია ასევე გაართულა არჩევნების საერთაშორისო ლეგიტიმაციის დე ფაქტო არაღიარებამ.
ირაკლი კობახიძის განცხადებამ საზოგადოების აღშფოთება გამოიწვია, რასაც მშვიდობიანი საპროტესტო აქციები მოჰყვა მთელ ქვეყანაში. ათასობით მომიტინგე ითხოვს ახალ საპარლამენტო არჩევნებს და დემონსტრაციების დროს დაკავებული პირების გათავისუფლებას. ქართულმა ოცნებამ ამ ლეგიტიმურ საჯარო პროტესტს ფართომასშტაბიანი, სასტიკი საპოლიციო ძალები და რეპრესიებით დაუპირისპირა. პარლამენტის წინ მშვიდობიანი დემონსტრაციების დროს ხელისუფლებამ დღემდე 500-ზე მეტი მომიტინგე დააკავა, რომელთა უმრავლესობაც წამების, დამამცირებელი ან არაადამიანური მოპყრობის მსხვერპლი გახდა.
როგორც ადგილობრივმა, ისე საერთაშორისო ორგანიზაციებმა დაადასტურეს მომიტინგეების მიმართ არაადამიანური მოპყრობის ფაქტები. წამების წინააღმდეგ მსოფლიო ორგანიზაციამ (OMCT), მაგალითად, პოლიციის ძალების მიერ მომიტინგეების მიმართ მოპყრობას ახასიათებს როგორც წამებას და არაადამიანურ მოპყრობას.
ამ პროექტის მიზანია საქართველოში საპოლიციო ძალების მიერ მიმდინარე სახალხო პროტესტის დროს აქციების მონაწილეთა მიმართ განხორციელებული წამების, არაადამიანური და დამამცირებელი მოპყრობის პირადი ისტორიების მოყოლა.
აქ წარმოდგენილი ისტორიები ეფუძნება საფუძვლიანად გადამოწმებულ ინფორმაციას, მათ შორის დოკუმენტურ მტკიცებულებებს, მასალებს საგამოძიებო და სასამართლო პროცესებიდან, სამედიცინო ჩანაწერებს, მასმედიაში გავრცელებულ ინფორმაციებს, საჯარო წყაროებს და ადვოკატების მიერ შეგროვებულ მტკიცებულებებს. თითოეული ისტორია დაწერილია ფაქტების გადამოწმების შედეგად, ყველა წყაროს გადამოწმებით, რათა უზრუნვეყოფილიყო მათი მაღალი სანდოობა.
News
-
დავით ისასაშვილის ისტორია
ძალადობრივი დაკავება, ცემა და ჯარიმა მტკიცებულებების გარეშე—დავით იასაშვილის ისტორია მნიშვნელოვან კითხვებს აჩენს სამართალდამცავების ქცევასა და სასამართლო პროცესების სამართლიანობაზე. წაიკითხეთ სრულად აქ.
-
გელა მეგრელიძის ისტორია
გელა მეგრელიძე, გერმანიის მოქალაქე, ფოტოგრაფი და პიანისტი, თბილისში გამართული დემონსტრაციის დროს დააკავეს, როცა ცდილობდა დახმარებოდა სხვა მომიტინგეს. მის ქმედებას პასუხად ძალადობა მოჰყვა—მას ჯერ თავის არეში ჩარტყეს, შემდეგ კი ფიზიკური და სიტყვიერი შეურაცხყოფა მიაყენეს.
-
გიორგი მაისაშვილის ისტორია
გიორგი მაისაშვილი რუსთაველის გამზირზე, 2024 წლის 30 ნოემბერს დააკავეს, ის სასტიკად სცემეს ხოლო შემდეგ მტკიცებულებების გარეშე პატიმრობა მიუსაჯეს.
-
შოთა ნარსიას ისტორია
მშვიდობიანი საპროტესტო აქციის დროს ძალადობრივად დააკავეს მკვლევარი და პოლიტიკურ მეცნიერებათა დოქტორანტი შოთა ნარსია. მიუხედავად იმისა რომ დაკავებისას მან დაზიანება მიიღო, ის ცრუ ჩვენების საფუძველზე დააჯარიმეს, ხოლო მისი მოძალადეები კვლავ თავისუფლები არიან.
-
ლაზარე მაღლაკელიძის ისტორია
ლაზარე თბილისში, რუსთაველის გამზირზე, 2024 წლის 2 დეკემბერს დააკავეს. მისი ისტორია დეტალურად აღწერს მის მიმართ განხორციელებულ ფიზიკურ ძალადობასა და დამამცირებელ მოპყრობას რომელიც მან საქართველოს ევროპული მომავლის მხარდასაჭერ აქციაზე დაკავების შემდეგ განიცადა.
